Arloa: Komunikazioa / Diseinua / Hedabideak / Kazetaritza

Eskaintzaren deskribapena:

Aiaraldea Ekintzen Faktoriak erakunde-komunikazio kazetarien lan poltsa sortuko du. Lan poltsa honetan interesa duten pertsonek martxoaren 6a (astelehena) baino lehen bidali beharko dituzte aurkezpen gutuna eta curriculuma lanpoltsa@aiaraldea.eus helbidera (erdaretan idatzitako curriculum edo aurkezpen gutunak alboratuko dira). 

Lan-poltsa ebazteko kronologia:

• Otsailak 4: Lan-poltsaren zabalpena.
• Martxoaren 6: Aurkezpen gutuna eta CVa bidaltzeko azken eguna.
• Martxoaren 12-13: Jasotako hautagaitzen azterketa.

FUNTZIOAK ETA EGIN BEHARREKOAK

Erakunde-komunikazio kazetariak honako funtzio hauek bete beharko ditu:

• Aldizkari zein web edukien erredakzioa.
• Maketazio lanak eta argazki eta bideoen tratamendua.
• Community management lanak eta herritarrenganako arreta zerbitzua.
• Kazetarien kontsulten kudeaketa eta hedabideekin harremanen kudeaketa.
• Prentsa oharren prestaketa eta zabalpena.
• Prentsaurreko eta aurkezpenen antolaketa.
• Komunikazio estrategien planifikazioa eta komunikazio planen garapena.

 

ESKATZEN DA

Kazetaritza lizentziaduna edo graduatua izatea.

• Hizkuntzak: euskararen (C1 maila) eta gazteleraren ezagutza handia izatea.
• Kazetaritza eta erakunde-komunikazio lanetan esperientzia izatea.
• Diseinu editorialean ezagutza izatea (maketazioa eta argazkien tratamenduan).
• Komunikazio gaitasunak eta planifikaziorako trebetasuna.
• Jarrera aktiboa eta ekintzailea.

BALORATUKO DA

• Aiaraldea Ekintzen Faktoriaren proiektuaren ezagutza eta proiektuarekiko atxikimendua.
• Sare sozialen erabileraren gaineko formakuntza edo ezagutza.
• Erakunde edo enpresen komunikazioan formakuntza berezitua.  
• Euskarako C2 hizkuntz maila izatea.
• Askitasuna eta iniziatiba gaitasuna.

Lekua: Laudio Araba

Enpresa: AIARALDEA KOOP ELK

Soldata: 20.000-25.000