Arloa: Administratiboak / Idazkariak / Bulegariak

Eskaintzaren deskribapena:

Funtzioak:

Administrazio akademikoa:

• Lanbide Euskal Enplegu Zerbitzuak finantzatutako ikastaro ez arautuak kudeatzea, beste lankide batekin lankidetzan: merkatuaren trebakuntza-beharrizanak identifikatzea, proiektuak deialdietara aurkeztea, ikastaroak antolatzea, promozioa eta marketinga, ikastaroen eta ikastarootako ikasleen jarraipena egitea, zuriketa…
• Batxilergoko eta Lanbide-heziketako ikasleen aurrematrikula- eta matrikula-prozesuak izapidetzen laguntzea, eta Hezkuntza Sailaren aplikazioan erregistratzea ondoren.
• Ikasleen hileroko kuoten helbideratzeak egitea.

Eskola-jantokiaren zerbitzuaz arduratzea: ikasleen intzidentziak, enpresa hornitzailearekin harremanak, menuak…

Kooperatibaren administrazio ekonomikoan laguntzea: Asesor-Cospa programaren bitartez kontabilitatea egiten laguntzea idazkari-buruari, diru-eragiketak, diruzaintza (baita kooperatibaren parte diren hezkuntzaz bestelako atalena ere: tabernako orriak, ostatuko datafonoa…)...

Administrazio orokorra:

• Langileekin lotutako zenbait zeregin: langileen sarrera- eta irteera-ordutegien eta lan egindako ordu-kopuruen erregistroa, kontratuak erregistratu eta SEPEra bidali…
• Harrera eta arreta: aurrez aurre, telefonoz, posta elektronikoz…
• Posta eta korrespondentzia. Egoitza elektronikoa.
• Fitxategiak eta erregistroak.
• Bere kategoria-profesionalari dagozkion edo esleitzen zaizkion pareko zeregin guztiak.

Eskaintzen da:

• Lanaldi osoa (% 100).
• Egonkortasuna. Mugagabeko kontratazioa, probaldia gainditutakoan.
• Soldata: indarrean den Ikastolen Elkartearen lan-hitzarmenean ofizial administrariari eta administrari laguntzaileari dagozkiona erdi eta erdi.  
• Berehala hastea lanean.

Bete beharreko baldintzak:

1. Ikasketak: enpresen administrazio eta zuzendaritzan Gradua, Goi-mailako Zikloa administrazioan edo parekoak

2. Euskara: C1 maila

3. Ofimatikan ezagutza altua: IKT prestaketa eta heldutasun teknologikoa

4. Lanbide Euskal Enplegu Zerbitzuaren prozedurak eta aplikazioak ezagutzea

5. Kontabilitatean ezagutza

Antzeko lanetan eskarmentua izatea baloratuko da.

Lekua: Durango Bizkaia

Enpresa: Ibaizabal Ikastola

Lan mota: Jardunaldi osoa

Soldata:

Bidali eskabideak (curriculuma) zuzendaria@ibaizabalikastola.eus helbidera 2023ko otsailaren 12a baino lehenago, ADMIN erreferentziarekin.

Lan-elkarrizketak egiteko aukeratutako hautagaiei bakarrik deituko zaie.