Doktoreak (irakaskuntza, ikerketa, proiektuak)

Deskribapena

Arloa: Ingeniariak / Teknikariak / Lizentziatuak

Eskaintzaren deskribapena:

IMH Campusen doktore profilen bila gabiltza, irakaskuntzan, ikerketan eta berrikuntza proiektuetan parte hartzeko, honako ezagutza arlo hauetan:

Ingeniaritza industrialak: antolakuntza industriala, mekanika, elektrizitatea…
Datuak eta datuen analitika.
Fisika edo matematika.

Ez gara profil bakar baten bila ari. Diziplina, esperientzia eta ibilbide ezberdinetako profesionalak bilatzen ditugu, eta hautagaitza bakoitza modu indibidualean aztertuko dugu, IMH Campusen izan dezakeen ekarpena eta egokitasuna baloratuz.

Lana gure Elgoibarko campusean garatuko da, talde gazte, dinamiko eta etengabe eboluzionatzen ari den baten barruan.

Zer egingo duzu irakasle gisa?

Euskadiko ingeniaritza gradu dualean erreferente den campusean irakastea.
Ingeniaritzarekin eta teknologiarekin lotutako ikasgaietan parte hartzea.
Ikasleen garapen tekniko eta profesionalari laguntzea.
Irakaskuntza metodologia berritzaileetan parte hartzea.

Zer egingo duzu ikertzaile/proiektuetako kide gisa?

Makina-erremintaren sektoreko eta berrikuntzan eta teknologian erreferente diren beste sektore batzuetako enpresentzako proiektuetan parte hartzea.
Berrikuntza eta transferentzia teknologikoko proiektuetan lan egitea.
Beste zentro teknologiko batzuekin lankidetza estuan aritzea.
Industria-ingurune errealekin konektatutako erronka teknologikoetan parte hartzea.

Zer eskaintzen dugu?

Sektoreko puntako enpresekin lan egiteko aukera.
Irakaskuntza, industria eta ikerketa uztartzen dituen ingurune dinamiko eta hurbila.
Etengabe hazten eta bere prestakuntza eskaintza hobetzen ari den campus batean garapen profesionalerako aukera.
Eragin zuzena duten proiektu berritzaileetan parte hartzeko aukera.

Baldintzak

Eskatzen da:

Hezkuntzan, ikerketan eta mota ezberdinetako proiektuetan parte hartzeko gogoa eta motibazioa.
Aipatutako arloetako batean doktorego titulua.
Hizkuntzak baloratuko dira.

Beste informazio batzuk.

IMH Campusen positiboki baloratzen ditugu %33ko edo hortik gorako desgaitasun-ziurtagiria duten pertsonen eskaerak. Baldintza hori betetzen baduzu CV-an islatu mesedez.