Arloa: Kultura / Artea / Kirola / Artisautza

Eskaintzaren deskribapena:

Eskaintzaren deskribapena:

Lazarraga Kultur Elkartea 2013. urtean jaio zen irabazi-asmorik gabeko kultur elkartea da, eta bere xede nagusia kulturaren bitartez Arabako eta bereziki Gasteizko euskararen normalizazioan eragitea da.  

Egun, Izaskun Arrue kulturgune berriaren kudeaketaz arduratzen da elkartea. Kultura-programazioaren esparruko teknikari bat kontratatzeko lan deialdia ireki da.

 

Lanpostuaren eginbeharrak:

- Kultura programazioaren osaketa eta garapena: jarduerak definitu, aukeratu, garatu, ekoiztu, eta koordinatu.

- Zehaztutako kultura programazioaren estrategiari jarraiki, publiko segmentu ezberdinei zuzendutako kultura jarduerak antolatzea.

- Kultura programazioaren ildo nagusien diseinuan parte hartzea.

- Kultura proiektuak diseinatzea.

- Kultura programazioaren jarraipena eta ebaluazioa.

- Kultura programazioaren baitan hobekuntzak eta berrikuntzak proposatzea.

- Kultura programazioaren ekoizpena: jarduerak gauzatzeko behar diren behar teknikoak zehaztu eta hornitzaileekin koordinatu.

- Kultura programazioaren jarduera ezberdinetan aurrez aurreko kudeaketa eta jarraipena (arratsaldetan eta asteburuetan barne).

- Eragile estrategikoen azterketa eta aukeraketa: kultura programazioa garatzeko eragile ezberdinak bilatu euskalgintzan eta kulturgintzan. Hauen ezaugarriak aztertu eta egoki ikusten bada harremana sortu.

- Iristen diren proposamenei arreta egitea eta aukeraketa burutzea.

- Indarrean dagoen ebaluazio sistemari jarraipena egitea: programazio esparruaren helburuen eta gauzatzen diren ekintzen ebaluazioa.

- Kudeaketa ekonomikoa: Saileko arduradunak gainbegiratuta, proiektuen aurrekontua  egin eta horri jarraipena egin.

- Erakundeko eguneroko beharretan laguntza ematea.

 

Lan-baldintzak

• Kontratu mota: mugagabea, 6 hilabeteko probaldiarekin.

• Lanaldia: osoa (37,5 ordu astero/1.650 ordu urtean). Telelan egiteko aukera astean behin.

• Ordutegia: Bulego ordutegia, astelehenetik ostiralera, goizez (6 ordu egunero, bataz-beste), eta kultura jardueren beharren arabera, ekoizpen lanak astero arratsalde batean edo bitan (3,25 ordu bataz-beste, arratsalde bakoitzeko).

• Soldata:  28.000 € – 32.000 € gordin urtean

• Lan lekua: IAK - Izaskun Arrue Kulturgunea

 

 

Nahitaezkoa:

• Arte Ederren edota Humanitateen arloan unibertsitateko ikasketak amaituta izatea
• Kultura-programazioan gutxienez urtebeteko esperientzia izatea
• Euskara idatziz eta ahoz menperatzea (gutxienez C1 maila)
• Ofimatika programen erabilera menperatzea

 

Baloratuko da:

• Kultura-programazioaren arloan edota kultura-kudeaketan graduondoko ikasketak izatea
• Euskal Herriko eta bereziki Gasteizko kulturgintzaren eta euskalgintzaren inguruko ezagutza izatea
• Odoo ERPa erabiltzen jakitea
• Lan Arriskuen Prebentzioan (LAP) ikasketak izatea/prebentzio-baliabidea izatea
• Arduratsua izatea, eta antolatzeko, lidergorako eta talde lanean aritzeko gaitasuna izatea.
• IAK – Izaskun Arrue Kulturgunearen proiektua ezagutzea
• Elkartegintzan eskarmentua izatea
• Teknologia berriekin eskarmentua izatea
• Euskara: C2 maila izatea
• Ingelesa: B2 maila izatea
• B1 gidabaimena eta autoa izatea
• Gasteizkoa edo Arabakoa izatea

 

Lekua: Gasteiz Araba

Enpresa: LAZARRAGA KULTUR ELKARTEA

Lan mota: Jardunaldi osoa

Soldata: Zehaztu gabe

Hautaketa prozesuaren jarraibideak

• Izena emateko: CVa bidali administrazioa@lazarraga.eus helbidera
• Izena emateko epea: 2025eko 21a, goizeko 10:00etan
• Aukeratutako pertsona azaroan hasi beharko da lanean