Arloa: Zuzendaritza / Gerentzia / Giza Baliabideak

Eskaintzaren deskribapena:

Ander Deuna Ikastolan Zuzendaria behar dugu.

LANPOSTUAREN EZAUGARRIAK:

- Lidergoa eta kudeaketa estrategiako: Ikastolaren eta kooperatibaren helburu estrategikoak definitu, garatu eta ebaluatzea. Gobernu-organoei proposamenak egitea, aholkularitza eskaintzea eta hartutako erabakiak koordinatu eta gauzatzea. Erakundearen eguneroko jarduna modu eraginkorrean gidatzea eta proiektua etorkizuneko erronketara egokitzea.

- Komunitatearekiko harremanak eta komunikazioa: Ikastolako komunitateko eragileeekin -familiekin, ikasleekin, langileekin eta bazkideekin- harreman sendoak eraikitzea eta mantentzea. Halaber, tokiko erakundeekin, hezkuntza-eragileekin, euskalgintzarekin eta gainerako eragile sozialekin harremanak sustatzea. Komunikazio argia, gertukoa eta eraginkorra bermatzea, komunitatearen parte-hartzea eta konfiantza indartuz.

- Langileen kudeaketa eta koordinazioa: Ikastolako funtzionamendu-organoen jarduera planifikatu, koordinatu, gainbegiratu eta ebaluatzea. Taldeen lidergoa sustatzea, lan-giro positiboa eta elkarlanean oinarritua bermatuz. Langileen garapen profesionala, motibazioa eta prestakuntza sustatzea.

- Kudeaketa ekonomiko-finantzarioa eta administratiboa: Ikastolaren aurrekontua planifikatu eta gainbegiratzea, baliabideen erabilera arduratsua eta iraunkortasun ekonomikoa bermatuz. Administrazioaren eta antolakuntza orokorraren jarraipena egitea.

ESKAKIZUNAK:

- Unibertsitate-titulua edo baliokidea den prestakuntza.
- Euskararen komunikazio-gaitasun egiaztatua (gutxienez C1 maila).
- Lidergo, koordinazio edo kudeaketa lanetan esperientzia egiaztagarria.
- Curriculum vitae eguneratua aurkeztea.
- Erreferentziak aurkezteko prestasuna.

BALORATUKO DA (MERITU OBJETIBOAK):
- Esperientzia profesionala: zuzendaritza eta kudeaketa lanetan ibilbidea, administrazio eta finantza-kudeaketan esperientzia, eta erreferentzia profesionalak.
- Ezagutza eta inplikazioa: hezkuntza, kudeaketa eta lidergo arloko ezagutza; ikastolen mugimenduaren ezagutza; eta euskalgintza, kulturgintza eta hezkuntza arloko inplikazioa.
- Prestakuntza: kudeaketa-sistemetan eta antolakuntza-ereduetan formazioa, eta prestakuntza akademiko osagarria.
- Hizkuntzak: hizkuntzen ezagutza.

ESKAINTZEN DA:
- Behin betiko kontratua.
- Egonkortasuna eta autonomia profesionala.
- Elkarlanean eta komunitatean oinarritutako lan-ingurunea.
- Ikastola proiektu errotu eta eraldatzaile baten parte izateko aukera.

Lan deialdian parte hartzeko, hautagaiek curriculuma eta ibilbide profesionalaren argibideak bidali beharko dituzte laneskaintza@anderdeuna.eus helbidera ekainaren 15era bitarte eta ZUZENDARIA erreferentziarekin.

Lekua: Sopela Bizkaia

Enpresa: Ander Deuna Ikastola

Soldata: